Ég skal hundur heita !

Ef fylgi flokkana á ekki eftir að breytast þó nokkuð og ef það er ekki strax farið að undirbúa nýtt framboð.

Hörður Torfason og hans fólk voru að mótmæla á laugardag, Jón Baldvin og Kolfinna gátu ekki verið í þeim hóp. Afhverju ekki? Var ekki verið að mótmæla því sama?

Mín "samsæris" kenning er!

Nú sér Jón Baldvin tækifæri að koma einum af sínum afleggjara í pólitík. Þarna er vanur maður sem vinnur verkin og aldrei eins mikið tækifæri fyrir óánægjuframboð og núna. Karlinn er klár á þessu sviði það er í ættinni. Hann hefur haft sig mikið í frammi undanfarið og vissulega hrifið fólk með sér.

Hefur Jón Baldvin verið að mæra Samfylkinguna? Ég hef ekki heyrt það. Jón Baldvin er að róa á önnur mið núna, hásetar hjá honum eru Guðmundur Ólafsson, Arnþrúður Karlsdóttir og útvarp Saga verður lögð undir til að afla fylgis. Stefnuskráin í dag er Davíð burt og innganga í ESB.

Þetta er kannski ekki verra en hvað annað en nautið gleymdi að hann var einu sinni kálfur. Mér finnst það fúlt ef fólk er að efna til mótmæla sem ekki er vanþörf á, og það skuli ekki vera hægt að hafa um það samstöðu. Þetta voru mistök hjá þér Jón Baldvin það þurfa allir bakland ef þeir ætla sér eitthvað stórt en ekki bara að þjóna egóinu.

Þið megið kalla mig Snældu ef að er ekki eitthvað til í þessu hjá voff voff.

Minnihluti styður stjórnina

Biskup í auðsæld.

Það var þá aldrei að ég fengi ekki bloggmálið aftur, takk fyrir það Hr. biskup.

Að þú skulir geta talað svona! Maður með þreföld ef ekki fjórföld verkamannalaun búandi við öll þau fríðindi sem þú hefur á okkar kostnað er alveg úr takt við þann raunveruleika sem fólk er að upplifa núna. Forsetinn getur eflaust mært þessa ræðu þína enda ekki von að þið skiljið almenning með þessa stóru gullskeið í munni.

Eitt af stóru sparnaðarráðum sem þjóðin þarf að hugsa um núna, er aðskilnaður ríkis og kirkju. Það þarf að gera úttekt á öllu sem varðar kirkjuna eignum hennar og þeim hundruð milljóna sem fer í hana á ári hverju. Þar eru stórar upphæðir sem gætu sparast án þess að það kæmi nokkuð við almenning. Þetta á við margar stofnanir á okkar góða landi sem eru handónýtar og mættu gera miklu betur.

Ég hef sveiflast nokkuð síðan skriðan fór á stað, bjartsýn að morgni og svo komin á skjön að kveldi. Einn daginn alveg vitlaus út í stjórnvöld og hinn daginn við útrásavíkinga. Afhverju skyldi ég þurfa að fá timburmenn þegar ég var ekki á fylleríi.

Aldrei verið auðugri

Tala hagfræðingar ekki sama tungumál?

Nú skal skjóta sendiboðann!  Það má ekki segja þetta upphátt.  Hverjum á að trúa?  Eru það Geir og Davíð sem eru búnir að segja okkur að það sé allt í lagi í marga mánuði?

Trúum við græðgisvæðingadrengjunum sem eru búnir að mala gull undir sig og sína, en fóru fram úr sér núna og almenningur fær að blæða.

Gylfi Magnússon, Ólafur Ísleifsson, Guðmundur Ólafsson og Þorvaldur Gylfason allir hagfræðingar úr akademíunni eru búnir að vara við því að þetta myndi enda bara á einn veg (illa) ef ekkert yrði að gert.  Þeir greinilega tala sama tungumál. Hagfræðingar seðlabankans og atvinnulífsins hafa verið með önnur fræði.  Skyldu stjórnvöld læra af þessari stöðu sem er komin upp núna, ætli verði hlustað á hagfræðingana sem eru ekki að þjóna neinum sérhagsmunum nema almennings í framtíðinni.

Hlustuðu þið á Hannes Hólmstein í Kastljósi kvöldsins?  Hannes var hneykslaður að Gylfi sem dósent í HÍ skyldi tala svona óvarlega.  Það held ég að Jón Ólafsson hefði hlegið dátt vitandi að prófessor Hannes væri að víta aðra vegna óvarlegra umæla.

Fjármálakerfið í greiðsluþrot

Afhverju heyri ég engvar raddir hrópa.

Að við séum að niðurlægja fólk með því að geta ekki búið þeim þær aðstæður að það þurfi að fá matargjafir. Við mismunum börnum þau geti ekki tekið þátt í tómstundastarfi.

Mér finnst endilega að ég þurfi að heyra frá þeim röddum sem sterkast hljóma hvað réttlæti sé. Það fólk sem þarf að fara þessa leið að biðja sér matar fyrir sig og sína og aðstoð við börnin sín á alla mína samúð.

Ég þakka þessu fólki sem leitar allra ráða til að hjálpa fólki, að vísu fannst mér gleymast að taka fram í fréttinni hvað Hjálpræðisherinn er að gera í þessum málum.

En skoðun mín er sú að við eigum ekki að niðurlægja fólk með þessum hætti, við eigum að hafa þá samfélagslegu þjónustu að fólk þurfi ekki að betla sér mat.

Yfir 300 fjölskyldur fá vikulega matargjafir

Æskuheimili mitt brann í dag.

Sem betur fer urðu engin slys á fólki. Ég sit og hugsa, ætlaði að skrifa svo mikið um þetta gamla hús. Hús með sál. Hús sem var einu sinni skóli svo tvíbýli endaði sem einbýli. Húsið er með þeim elstu í Hnífsdal kannski elst.

Húsið sem ég bjó í með foreldrum mínum og systrum.

Ég vona að það verði gert við húsið þó það sé orðið meira en 100 ára.

 

 

 

Eldur kviknaði út frá rafmagni

Frjálslyndi flokkurinn. Froðusnakk / Ofbeldi.

Ég fór á auglýstan fund hjá Helga Helgasyni formanni Frjálslyndra í Kóp. Bæði vildi ég ræða við hann misskilning okkar á milli og lýsa vanþóknun minni á grein sem hann lét birta í 24 stundum og BB. Þar sem þessi grein var hreint slúður og ómerkileg í allastaði. ('O) Merkileg skrif hjá stjórnmálafræðingi og launuðum starfmanni hjá flokknum. Þar sem Helgi sér um heimasíðu flokksins og birti hluta af þessum ásökunum sínum vil ég lýsa yfir vantrausti mínu á ritnefnd viðkomandi heimasíðu að leifa svona skrif.

Þegar ég kom á þennan fund voru þrír menn fyrir einn fór mjög fljótlega.

Tekið var upp ágætis spjall  þar sem Eiríkur Stefánsson sýndi fram á það í vönduðum pappírum hversu fráleitt valdarán þetta væri sem Helgi skrifaði um. Enn fráleitara er það hjá Kristni að segja þetta aðför að formanninum það dytti mér ekki í hug að halda. En spuninn hjá Kristni er búin að valda misskilningi hjá mörgum ,enda örugglega til þerss ætlaður.

Að áliðnu spjalli kemur miðstjórnarmaður inn á fundinn ekki hafði hann fyrir því að heilsa, heldur hellti hann úr sér orðaflaumi þar sem aðalinnihaldið var andskotans, djöfulsins, heitustu helvítis asnar.  Ég er mörgu vön enda alin upp á bryggjupollanum vestur i Ísafjarðardjúpi, en mér varð orðavant. Eiríkur sem kallar nú ekki allt ömmu sína sagði það sem ég hugsaði. "Ég vona að þú eigir aldrei eftir að hafa einhver völd yfir fólki" Þetta var ofbeldi.  Þar sem ég líð engum að beita mig andlegu ofbeldi þakkaði ég fyrir mig og fór. Ef þetta er forsmekkur af því sem fer fram á miðstjórnarfundum þá fordæmi ég það.

Ég tek það fram að það fólk sem Helgi skrifar um hef ég unnið með í nefndum og get ekkert annað en borið þeim gott orð. Þess vegna verð ég verulega reið vitandi að það hefur oftar en ekki verið valtað yfir þau af hroka yfirgangi og frekju.

Ég býð hér með forystu Frjálslynda flokksins að láta kynna þeim á faglegan hátt hvað ANDLEGT OFBELDI, EINELTI OG LÝÐRÆÐI ER.  Pólitík snýst um fólk.

 

 

 

 

Össur þú ert æði!

Hvernig væri þetta ef þú færir ekki á kostum annars slagið og skemmtir manni. Og svo ertu svo asskoti fljótur að greina meinið. Það bullast upp þér vitleysan. Þið Kristinn eruð nú gamlir samflokksmenn, svo þú veist að hverju þú gengur.

Svo er hann Össur svo göfugur, bauð hann ekki Inga Hrafn í borgastjórnaflokkinn?  Ætli Ingibjörg Sólrún viti af þessum boðum öllum?

Kjósi Kristinn að fara til Össurs á hann ekki nema einn flokk eftir til að loka hringnum. En mikið væri það nú skemmtilegra fyrir ráðherrann þegar hann sest við skriftir að fara rétt með.

 

Össur býður Kristin H. velkominn í Samfylkinguna

Er ekkert "andskotans" meðalhóf til?

Fyrirgefið orðbragðið! Ég hef ekkert bloggað undanfarið vegna mikillar vinnu og skemmtilegs félagslífs. En ég hef fylgst með blogginu það er allt að gerast og viðbrögðin annað hvort of eða van.

Fyrst var það hún Helga Guðrún sem var ritskoðuð af MBL. Helga er góður penni og kallar ekki allt ömmu sína nema þá ömmu sína  En stelpan sá við ritskoðurunum og heldur áfram að blogga og liggur ekki á skoðunum sínum. Það  gleður mig. Hún Helga er svoddan kjarnakona. Svo var það hann Stebbi F. Datt ekki einhverjum drullusokknum í hug að stofna facebook síðu til að ata hann aur, þvíumlíkt smekkleysi og sannarlega einelti. Það er ekki eins og skrifin hans Stebba séu meiðandi á nokkurn hátt. Nú er Stebbi orðin mest lesni bloggarin, skyldi ekki lýðnum svíða

Ekki má gleyma öllu fárinu hjá hælisleitundum og fólk bloggar með og á mót, fasistar og ekki fasistar. Það hefur komið í ljós að það var víða pottur brotinn hjá hælisleitundum en að allir væru settir undir sömu sök er afleitt. Það hlýtur að vera til önnur aðferð en svona aðgerðir þær eru full harðar að mínum smekk. Svo eru kallaðir til atvinnumótmælendur. Eiga ekki hælisleitendur rétt á lögmanni við svona aðstæður? Hvernig er framkvæmdin með hælisleitendur t.d í Danmörku eða Noregi? Ég held að BB veri að koma betri skikk á þessi mál eins og að bæta Útlendingastofnun sem er virkilega steinrunnin.

Mestu vonbrigði mín í öllu því sem gerst hefur undanfarið er afstaða Ingibjargar Sólrúnar til ljósmæðra. Hún er konan sem er höfundur að því að afnema kynjabundin launamismun. Stjórnmálakonan sem hafði  hæsta hlutfall kvenna á bak við sig í síðustu kosningum. Hún neitar að svara formanni Ljósmæðrafélagsins, henni finnst þær ekki eiga að fá þá hækkun sem þær biðja um.

Var Ingibjörg Sólrún bara að plata konur fyrir síðustu kosningar? Nú segist hún ekkert geta gert. En Ingibjörg getur verið með einhver gæluverkefni á sínu ráðuneyti sem kosta okkur milljarða en koma okkur ekki að neinu gagni. Ég hef aldrei vænst neins af Árna Matt, hann kemur mér ekkert á óvart, honum virðist vera fyrirmunað að gera nokkuð rétt. Hvað ætli ég borgi öllu þessu liði kaup? og ekki dettur þeim í hug að spyrja um launahækkun bara framkvæma hana.

 

 

Og hver á að trúa þessu?

Villi sem man ekki frá nefinu til munnsins var með "þetta" á hreinu. Var í boði vinar og hver á að trúa. Auðvita skilur maður betur og betur smsið "Til í allt án Villa". Vilhjálmur fyrrverandi er búin að þverbrjóta allar reglur þess vegna er hann fyrrverandi.

Ætli Hanna Birna trúi því sjálf að Sjálfstæðisflokkurinn geti áunnið sér traust með alla þessa dragbíta.

Braut ekki gegn reglum borgarstjórnar

Vestmannaeyingar - Ísfirðingar.

Ég var á spjalli við kunningja minn sem er brottfluttur Vestamanneyingur. Hann sagði mér frá bók sem kom út í eyjum, bókin gekk út á að upplýsa fólk um viðurnefni eyjafólks og hvernig þau voru tilkomin. Bókin særði marga því þegar viðurnefni eru farin að snúast um útlit fólks, hegðun og/eða slúður þá er það ekki viðurnefni heldur uppnefni. Ég held að þessi bók hafi ekki haft sagnfræðilegt né bókmenntalegt gildi og hvað þá sem skemmtiefni.

Ég þekki það vel að fólk hafi viðurnefni enda alin upp á Ísafirði. Þessi kunningi minn sagðist hafa farið á árgangsmót og þar hafi ein skólasystra hans sem hafði hlotið uppnefni tjáð sig um það hvað hún hafði liðið fyrir þetta. Og þvíumlíkt hvað ég skammaðist mín sagði hann. Auðvita líður fólk fyrir svona og jafnvel svo börn viðkomandi. Er þetta ekki einelti og andlegt ofbeldi? Hvaða tilgangi þjónar að færa svona til bókar?

Á mínum uppvaxtarárum á Ísafirði voru margir með viðurnefni t.d Guðjón Arnar Kristjánsson (Addi Kitta Gau) Addi fyrir Arnar ,Kitti Gau fyrir Kristján Guðjónsson sem var faðir hans. Sigurður Ólafsson var kallaður Freysi Toll móðir hans hét Freyja og faðir hans var tollari svolítið langsótt það.

Það voru líka mörg meiðandi uppnefnin sem ég hirði ekki um að nefna því ég skammast mín að hafa tekið þátti í þessu. Ég vona að Ísfirðingar eigi ekki eftir að færa uppefni til bókar og leyfi svona ósið að deyja út.

es. Ég er drullusokkur nr 72 og það er val. Ég er í mótorhjólaklúbbi Vestmannaeyinga sem heitir Drullusokkar. Formaðurinn heitir Tryggvi Beikon, ekki veit ég afhverju en aldrei dettur mér í hug beikon þegar ég tala við hann eða sé.