Afhverju VG ?

Ég held það sé af því að VG talar einum rómi. Það hefur háð Framsókn og Frjálslyndum að að þeir eru ekki á eitt sáttir og það er akkúrat það sem fólk þarf ekki á að halda núna.

Að vera í ESB eða án ESB virðist taka hug stjórnmálaflokkanna alveg, en að taka til í eigin ranni eða hreinsa upp spillingu bæði í stjórnsýslu og í flokkakerfinu er ekki á dagkrá, frekar en að víkja eða taka ábyrgð.

Upplýsingar um ESB aðild er mjög misvísandi, það fer eftir hver túlkar hana. Afhverju ekki að leggja það hreint og beint á borðið hvað felst í pakkanum. Það er sagt ef hægt sé að semja um einhver sérákvæði fyrir Ísland eins og t.d um fiskimiðin þá verði sá samningur bara til fárra ára. Ætli það sé svo með allar okkar auðlindir?

Það hlýtur að vera krafa okkar í lýðræðisþjóðfélagi að hver og einn fái að kjósa hvort hann vill aðild að ESB eður ei. það er ekki flokkanna að ráða því. Upplýsið þjóðina hvað felst í þessum ESP pakka. Ekkert laumuspil, enga díla. Svo tekur fólkið ákvörðun.

 

VG stærsti flokkurinn

Heitasta kreppuráðið!

Ég var í jólahlaðborði hjá vinkonu minni í gær, góður matur og skemmtilegt fólk. Ég og vinkona mín erum búnar að bralla margt saman, ferðast mikið og skemmta okkur vel. En nú er ég hálf munaðarlaus.

Vinkonan varð ástfangin og er eins og álfur út hól það er varla talandi við hana. Hún malar eins og norskur skógarköttur. Ég tala um kreppuna við hana og hún brosir bara hringinn "þetta reddast". Ég bendi á handónýta stjórnmálamenn og hún horfir á mig algjörlega bláeygð. Ég fordæmi útrásavikninga og hún spáir í jólagjöf fyrir hann Villa sinn.

Hjá vinkonu minni svínvirkar þetta kreppuráð að verða ástfangin. Spáið i þetta! Það ætla ég að gera.

 

 

 

Háttvirtir! Við mótmælum.

Ég er mjög ánægð og þakklát Herði Torfasyni og hans fólki að gefa okkur tækifæri að sýna óánægju okkar. Ég fer til mótmæla til að sýna samstöðu og knýja fram breytingar. Ég mótmæli líka til að sýna andúð mína á hvernig komið er fyrir þjóðinni. Ég vil að það fólk sem bar ábyrgðina fari. Ég vill líka að útrásarvikinnar verði látnir borga, þeir eiga pening.

Vinur minn sagði áðan "ég ætla ekki að láta leiða mig í einhverja hjörð á Austurvelli til að kasta eggjum og að vera með ólæti". En góði minn það eru 1% sem kasta eggjum. Vinur minn segir að við getum ekkert gert sjálf, sættum okkur við þetta og gerum það besta úr þessu. Hann er enn að horfa til stöðuleika Geirs Hilmars sem felst í hafa gert lítið sem ekkert. Ef þetta er ekki meðvirkni dauðans hvað er það þá?

Það nýjasta í helví.. spillingunni er í boði RUV allra landsmanna. Svæðisútvarp lokuð, uppsagnir, en Páll er enn á ofurlaunum og hans einkavinir. Páll veit ekki einu sinni hvað VIÐ erum að borga af jeppanum hans á mánuði sem er á rekstraleigu! Efalaust heldur hann skrautþáttum eins og Gott kvöld á laugardagskvöldum eða Evrópusöngvakeppni upp tugi miljóna áfram. Það væri eftir öllu og í okkar boði.

Ég ætla klæða mig vel og arka til mótmæla. Ég er löngu búin að fá nóg á meðan vinur minn situr sæll og glaður með sinn stöðuleika hjá sér.

Útifundur á Austurvelli

Hvað skal gera til að veita samstöðu og létta lund?

Ég finn hvernig svartsýnin hellist yfir mig, þó svo ég reyni að halda haus. Ég er samt með fulla vinnu skulda hóflega eða ekkert sem ég ræð ekki við ennþá allavega. Ef að ég væri ekki fullfrísk eða nýbúin að kaupa íbúð,  með börn á framfæri þá veit ég hreint ekki hvort ég væri þess megnug að takast á við svona ósköp.

Mig langar að gera eitthvað! Ég talaði við vinkonu mína sem er fótaaðgerðarkona og svo aðra sem er hárgreiðslukona, hvort ekki væri hægt að fá húsnæði eins og eitt kvöld í viku, bjóða upp á fría þjónustu jafnvel koma með föt og eða bækur eða sem flestir gætu lagt eitthvað af mörkum.

Þetta yrði svona gefa-þiggja samvera.  Endilega komið með hugmyndir og eða segið mér hvort þetta er raunhæft.

Ég fagna þessari tillögu.

Jón Magnússon, Guðjón Arnar og Grétar Mar úr Frjálslyndaflokknum leggja fram tillögu um að tengja okkur við norsku krónuna.

Við hljótum að eiga það inni hjá stjórnvöldum að þeir leiti allra leiða til að tengja okkur við aðra mynt. Flest allir hagfræðingar seigja þessa tilraunir að setja krónuna á flot sé happadrætti, og ekki megum við við meiri áföllum.

Ég held að það sé rétt munað að Þórólfur Matthíasson Prófessor hafi bent á að norska krónan væri góður kostur Noregur gott bakland fyrir utan að þeir hafa reynst okkur hvað best ásamt Færeyingum.

Vilja tengja íslensku krónuna við þá norsku

Kreppumæli! Endilega leggið í púkkið.

Ég verð alltaf meira undrandi, reiðari og sorgmæddari eftir því sem lengri tími líður frá hruninu og ekkert gerist, sem kemur okkur til góða. Allskonar ummæli hafa fallið, sem eru algjör firring.

Þorgerður Katrín: Það eru spennandi og skemmtilegir tímar framundan hjá okkur Sjálfstæðisfólki.

Hannes Hólmsteinn: Við Sjálfstæðismenn erum ekki svo pólitískir, við græðum á daginn og grillum á kvöldin.

Ingibjörg Sólrún: Fyrst fólkið í landinu svo flokkurinn.

Þessi eru orðin klassík. Við verðum auðvita að læra af reynslunni. Auðvita axla ég ábyrgð EN …

Jónas Fr: Við verðum að skoða það að endurskoða …

Ég man ekki meira í augnablikinu enda hálf dofin á þessu helv … ástandi. En endilega leggið í púkkið nóg er að veruleikafirrtum umælum sem fólk hefur látið frá sér fara undanfarnar vikur.

 

Ný ríkisstjórn hér. Gerið svo vel.

Er mér að verða að ósk minni, Vantraust á ríkisstjórn. Ég varla þori að trúa. Hér er uppkast af minni óska þjóðstjórn. Hvað með ykkur eigið þið óskastjórn?

Heilbrigðisráðherra Hulda Guðmundsdóttir.Forstjóri Háskólasjúkrahús.

Landbúnaðar og sjávarútvegsráðherra Guðrún Pétursdóttir. Fyrrum forsetaframbjóðandi.

Menntamálaráðherra.Jón Torfi Jónasson Prófessor HI

Iðnaðar og umhverfismálaráðherra Guðmundur Gunnarsson.Formaður rafiðnaðarsambandsins.

Félagsmálaráðherra Margrét Pála Ólafsdóttir. Fóstra og höfundur Hjallastefnunnar.

Dóms og kirkjumálaráðherra Björk Thorarensen. Prófessor í lögfræði.

Samgöngumálaráðherra vil ég sameina öðru ráðuneyti veit bara ekki hverju. (erum að spara)

Viðskiptaráðherra Gylfi Magnússon dósent í hagfræði.

Fjármálaráðherra Þorvaldur Gylfason. Prófessor í hagfræði.

Forsætisráðherra. Páll Skúlason. Fyrrverandi rektor og heimspekingur. Er samt ekki örugg.

Svo vantar mig utanríkisráðherra sem þarf samt að vera að hálfu innanríkisráðherra.

Komið með tillögur.

 

Undirbúa vantrauststillögu

Hverjum getur liðið vel í dag?

Nú er búið að skuldsetja hvern einasta Íslending upp á 5 miljónir!

Davíð og ríkistjórn fá að halda áfram.  Hvað verður næst? Ég treysti ekki þessu fólki fyrir horn. Og það er eins og að hafa Drakúla yfir Blóðbankanum að hafa Davíð áfram í Seðlabankanum.

Ég sárbæni stjórnarandstöðu að lýsa vantrausti á ríkisstjórn; bið líka Ólaf Ragnar að rjúfa þing og mynda utanþingsstjórn. Ég ákalla allt það flotta fólk sem hefur staðið fyrir mótmælum að koma okkur til hjálpar.

Er ekki komin tími til að að dusta rykið af frumvarpi Vilmundar heitins Gylfasonar, "Flokkabáknið burt"? Kjósum um fólk, kjósum fagmennsku.  Við viljum ekki meira af gjörspilltum flokksklíkum.

En munum fyrst og fremst ábyrgð okkar.  Þetta fólk er í vinnu hjá okkur og það brást alveg hrapalega.  Veitum þeim ekki áframhaldandi vinnu.

 

Hollendingar lána Íslandi

Svanasöngurinn.

Davíð rotar mann og annan! Ég spurði Gylfa M. hagfræðing ertu búin að lesa ræðuna hans? Já ég var að lesa hana. Og hvað fannst þér?  Gjörsamlega galin ræða. Er hann að hætta? Held ekki sjalfviljugur en ef hann hættir tekur hann marga með sér.

Vígreifur var hann enda veit maðurinn ekki hvað varkárni er og þaðan að síður auðmýkt. Hrokinn á sér marga fylgikvilla og þeim gerir ekki annað en að fjölga hjá Davíð. Geir Hilmar! meðvirknin er skaðleg og hún á eftir að koma þér í koll núna, ég held að Davíð (ó) vinur þinn eigi ekki eftir að launa þér.

Nú er talað um að Samfylking sé að fá stjórnarandstöðu í partýið, en ég trúi ekki að það verði. Það erum við kjósendur sem eigum að ráða hver tekur við ósómanum og það þarf algjöra hreinsun.

Utanþingsstjórn og stjórnsýslubreytingar er það sem við þurfum núna. Rannsókn óháðra aðila. Tölum svo um pólitík þegar allir flokkar eru búnir að taka til hjá sér.

 

Fréttaskýring: Vígreif varnarræða seðlabankastjóra

Skammastu þín Óskar!

Það er örugglega of mikið ætlast til  hjá mér, því Óskar kann ekki að skammast sín. Máaltækið seigir  margur heldur mig sig, og á það sannarlega við í þínu tilfelli.

Við munum enn samningana þína við Faxaflóahafnir,við vitum líka að það eru ekki mörg atkvæði á bak við þig í þeirri stöðu sem þú ert að beita valdi þínu núna.

Þessir tónlistarmenn vildu vel. Létta geð landans og ekki veitt af, það hafa þeir oft gert áður. Það er öfugt með þig, sem bara hefur fært okkur spillingu.

Burt með spillingarliðið.

Tónlistarmenn argir út í Óskar Bergsson