Svona gera menn ekki!

Þetta er skítlegt eðli hjá Lýsingu og svona gera menn ekki. Þetta eru frægar setningar hjá enn frægari mönnum og eiga svo sannarlega við hér. Lýsingarmenn eiga ekki eftir að græða á þessu, þó svo að þeir græði á flest öllu, og vona ég að þeir eigi eftir að sjá að sér. Veit einhver hver á Lýsingu?

Ástþór hefur sýnt og sannað alveg ótrúlegan dugnað, ég vona svo sannarlega að úr rætist hjá honum. Það var lámark hjá Lýsingamönnum að virða umsamin frest og í þessu tilfelli var það mannlegt að auka frestinn.

Lamaður bóndi sviptur sérbúnum vélum

Kjartan þú tryggir ekki eftir á!

Enn og aftur sýnið þið vanvirðingu ykkar á því fólki sem býr í borginni og nú eru það börnin sem gjalda þess. Kjartan þú vonast til að stundarskrá námsmanna verði ykkur hagstæð svo hægt sé að manna frístundaheimilin. Eflaust til að getað haldið laununum áfram í lámarki. Og nú bíða foreldrar 1700 barna eftir þessum sömu stundaskrám. Fáránlegt! Sorglegt!

Ykkur var trúað fyrir því að þjónusta okkur, en ekki til að eyða öllum ykkar tíma í að plotta og græðgisvæða. Ykkur var trúað fyrir pennigunum okkar, þeir eiga ekki að fara í að hygla ykkur flokksgæðingunum samanber Gísla Martein og margt mætti fleira telja. Stjórnmál snúast um fólk, en því hafa þeir gleymt sjálfstæðismenn.

Í þessu tilfelli hefur móðir drengsins sterka rödd, ég vona að það séu sem flestir sem vilja styrkja hana enn frekar. Halla Rut er ekki að lenda í vandræðum með þjónustukerfi borgarinnar í fyrsta skipti og það er eitthvað sem ekki á a venjast. Kjartan og þið hin endilega farið að vinna vinnuna ykkar ... það koma aðrar kosningar. Og hvað þá ? 

 

Einhverft barn kemst ekki að á frístundaheimili

Fréttir & ekki fréttir MBL.

Ég hef lesið mörg bloggin hjá konum sem þær hafa tjáð ást á mökum sínum, kannski í mismunandi formi, en engin þeirra komið í MBL fréttir fyrir það. Er þetta ekki "EKKI FRÉTT" að kona elski eiginmann sinn og segi honum það?

Mér fannst það hinsvegar frétt að Þorgerður Katrín fór sína aðra ferð til Kína á kostnað okkar skattborgara (las það á vísi) og á MBL.is er frétt um að hún sé búin að snara út 50 millum í handboltann.

Ég er ánægð með strákanna okkar, stolt og alsæl það vantar ekki. En Þorgerður mín Katrín gætir þú ekki hugsað þér að spara okkur aðeins ferðakostnað þinn það er kreppa ef þú skyldir ekki hafa munað það.

Og svona í leiðinni fyrst nóg er til að millunum, þá vantar tilfinnalega nokkuð margar millur í menntakerfið. Gott væri líka að þú myndir rétta að honum flokksbróðir þínum Guðlaugi Þór nokkuð margar millur í heilbrigðiskerfið. Svo yrði ég alsæl ef þú myndir ekki skilja hana Jóhönnu útundan það kæmi sér vel sjáðu til það kreppir víða að í félagslega batteryinu okkar í þessu ríki okkar ... endurtek okkar.

 

 

Ásdís Rán tjáir eiginmanni sínum ást sína

Allt hefur sinn tíma flokkarnir líka.

Er ekki eðlilegt að flokkarnir hafi sinn líftíma eins og flest annað í þessari veröld?

Framsóknaflokkurinn orðin 90 ára nokkuð góður lífaldur það. Hann var alltaf bændaflokkur og örugglega þjónað sínu hlutverki þá og á hans fyrstu áratugum. Í dag er hann merki um spilltan flokk sem er komin langt frá sínu upphaflega markmiðum, þannig er það í augum flestra.

Amma mín var mikil sjálfstæðiskona en það var örugglega ekki sá sami flokkur í orði og æði sem hún kaus og er starfandi núna. Hann ber aðallega merki spillingu og græðgisvæðingu. Er bara ekki komin tími á þennan flokk ?

Mamma mín var svo eðalkrati á Ísafirði þar sem kratar blómstruðu. Ég sakna þeirra, mér finnst þeir ekkert eiga sameiginlegt með Samfylkingu nema Jóhanna sem hefur tekið með sér krataeðlið. Ég segi bara eins og amma mín hefði sagt. Ég forátta þetta og lýsi andstyggð á þessu.

Hvað með þig?

Ólafur farin og ég komin.

Ég er komin úr yndislegu fríi sem stóð yfir í 2 mánuði og ferðaðist næstum allan tíman en meira af því síðar.

Nú er búið að senda Ólaf í frí  og hann er bæði hissa og reiður! Vinirnir eru orðnir að óvinum! Vissulega eru borgamálin orðin tómt rugl fyrir löngu og allir búnir að fá nóg. En minn kæri Ólafur F þú tókst þátt í þessu og ekki bætir það að "fíflunum" fjölgi hjá þér. Svo er heiðursfólkið farið að ljúga sem þú gerðir samkomulag við. Ólafur er það ekki svo að þið hafið öll logið og plottað? 

Núna viltu ganga í FF fá bakland hjá fólkinu sem vann fyrir þig í síðustu kosningum, fólkinu sem þú yfirgafst að því að það hentaði þér ekki, en greinilega hentar þér núna. Ólafur er ekki heiðarlegra að þú stofnir bara nýjan flokk? Þá veistu pottþétt hvað þú átt persónulega mikið fylki.

Er ekki heiðarlegra að þú hættir að nota fólk bæði út og suður til að komast áfram í pólitík miðað við það sem á undan er gengið? Meðvirknin gerir fólk svo mannlegt, það er örugglega þannig fólk sem vill halda í höndina á þér í gegnum framboð.

Því svona þér að segja Ólafur F þá held ég að þú eigir svaka lítinn stuðning í FF ... það er allavega mín skoðun.

 

Sakar Hönnu Birnu um ósannindi

Systurdóttir mín og kærastan hennar!

Þær eru að koma til Íslands eftir viku. Ég hlakka til. Þær eru búsettar á Spáni. Kærasta systurdóttur minnar er spænsk en þær kynntust þegar kærastan kom til Íslands fyrir einhverjum árum sem listaháskólanemi til að kynna sé allt um Björk.

Ég hef alltaf verið svo stolt af þessari systurdóttir minni að hafa staðið með sjálfri sér.  Og af foreldrum hennar og að engin sem ég veit um í hennar stóru fjölskyldu hafi verið svo skinheilagur eða fordómafullur að einhver hafi talið að það hefði þurft að frelsa hana frá samkynhneigð.

Ég man líka þegar fólk henni alls óviðkomandi var að seigja mér frá þessu sem stórfréttum og sumir jafnvel eins og andlátsfréttum. það hefur mikið breyst á síðustu árum til batnaðar sem betur fer.

En það eru enn til menn sem predika í nafni guðs sem ekki bara dæma heldur telja sig geta fordæmt samkynhneigða. Svei þeim.

Nostalgía og fordómar.

Ég er algjörlega háð blogginu hennar Ásthildar Cesil. Ég fer í í létta fortíðarsveiflu og að skoða myndirnar sem hún er óspör á og er bara dásemd. Ég veit að Þetta á við fleiri brottflutta ísfirðinga en mig.

Þegar ég var gelgja og Ásthildur og hennar vinkonur orðnar skvísur voru þær mestu fyrirmyndirnar. Það rifjaðist upp fyrir mér að einhvertíma þegar Þær vinkonurnar voru að fara einhvað flott og við Daddi bróðir hennar horfðum á eftir henni, hún var algjör glæsipía.

Ég: svona ætla ég að vera.

Daddi: huu þú getur það aldrei.

Áshildur skrifaði blogg í gær um að hún hafi hlustað á pasturinn í Krossinum og kom með magnaða hugvekju út frá því en sjálf hlusta ég aldrei á Gunnar þrátt fyrir að vera mjög trúuð.

Gunnar í Krossinum telur sig getað afhommað og aflessað, hann túlkar biblíuna á allt annan hátt en prestar yfirhöfuð, hann telur sig vera að túlka orð guðs og hans heilaga sannleika sem er svo bara mistúlkun hjá honum "falsspámaður".

Jóhanna Magnúsar og Völudóttir orðaði mína líðan svo vel þegar ég hef hlustað á karlinn hér áður fyrr.  "þetta er eins og að verða fyrir andlegri nauðgun."

Fordómarnir þrífast nógu vel án þess að svona menn fái að komast í fjölmiðla til að kasta óhróðri yfir fólk. Ég hvet ykkur til að lesa hugvekjuna hennar Ásthildar.

Helvítis hrokinn!

Hrokinn er heimska eða hvað finnst ykkur?

Ég hef verið í félagasamtökum þar sem hrokinn hefur tekið öll völd en ég hef líka verið í félagskap þar sem tókst að koma í veg fyrir hrokann og fylgifiska hans.

Mér finnst vont að vera í félagsskap sem kemur illa fram við sitt fólk, ræðir ekki ágreining eða skoðanaskipti, heldur mærir bara forystuna. Þannig félagsskapur kemst aldrei langt hann verður sjúkur. Það er þá sem ferlið byrjar, paranojan, stjórnleysið, meðvirknin og svo baktalar fólk endalaust.

Margir vilja raða sér á jötuna og hafa einhver völd þá er kanski ekki spurning hvað viðkomandi hefur til málanna að leggja.

Vinur minn sagði mér sögu af hrokanum sem mér finnst góð!

Djöfullinn var í göngutúr á Laugaveginum þegar Sissi mætti honum.

Sissi: Þú ert aldeilis flottur í dag er allt á uppleið hjá þér?

Djöfsi: Já nú er ég búinn að taka upp nútímamarkaðsfræði og er í bullandi gróða.

Djöfullin bauð Sissa með sér heim, þar sást öll velgengnin, hann fór með hann í herbergi þar sem syndirnar voru allar samankomnar.

Sissi: Bendir á körfu á gólfinu. Afhverju er þessi á tilboði 99,90kr?

Djöfsi: Jú sjáðu til ef þessi gengur út koma hinar á eftir þó þær séu dýru verði keyptar.

Og tilboðið var helvítis hrokinn.

Skynemispakk.

Það erum við Geir forsætis....

Ég hef fulla trú á Tryggva þór held að Geir hafi gert skynsama hluti núna,vonandi að verði svo farið eftir ráðgjöfinni.

Við Geir erum samstíga í þessu,ráðgjafinn minn sagði hingað og ekki lengra Rannveig! Lífið er ekki bara leikur kona. Nú er Píkan (húsbíllinn) komin í leigu í 2-3 vikur,svo helgarferðin verður farin á mótorhjólinu sem er bara gaman. Það var ekki þannig að við Geir föttuðum þetta sjálf,að það þyrfti að fjármagna leikaraskapinn. Ráðgjöf og að taka tilsögn þannig virkar þetta,ójá við erum skynsemispakk.

Geir fær efnahagsráðgjafa

Vert á Skagaströnd.

Það er ég.

Nú er ég búin að þvælast um landið þvert og endilangt þó það mikilvægasta sé eftir. Ég á eftir að fara norður á strandir og vestur á firði.

Í þessum skrifuðu orðum er ég vert á Skagaströnd á kaffihúsi sem heitir Bjarmanes fallegt og notalegt kaffihús við sjóinn. Tíu og hálft skref í fjöruna það er næstum eins og að vera heima í Hnífsdal.

Hún Steinunn Ósk vinkona mín rekur þennan stað. Steinunn skrapp til Vestmannaeyja í brúðkaup yfir helgina. Bjarmanes var einu sinni skóli hér á Skagaströnd húsið er byggt held ég árið 1912 húsið hefur allt verið tekið í gegn og er það núna í sinni upprunalegri mynd.

Kántrýbær er svo beint á móti Bjarmanesi og ég er ekki að ýkja það en útvarpið hans Hallbjarnar hljómar hér allan sólahringinn. Það er ekki hægt að ná í aðrar stöðvar og mér finnst Skagstrendingar umburðarlyndir að þola þetta.

Ég fór á tónleika með stóru ástinni í lífi mínu honum Magga Eiríks (stór og mikill og ég elska lögin hans) Maggi og KK voru flottir en á miðjum tónleikum fór fólk að syngja með þeim (aðkomufólk). Mér finnst það fúlt þegar ég er búin að borga mig inn á tónleika með flottum söngvurum að fólk geti ekki þagað og hlustað. Í restina var þetta orðið eins og í brekkusöng hjá ónefndum alþingismanni.

Á morgun verður skroppið til Reykjavíkur stoppað í nokkra daga og svo hefst gamanið aftur...