Gef blogginu frí!

Ég hef aldrei verið afkastamikil í blogginu og finnst jafnvel  meira spennandi að lesa annarra blogg. Það hefur verið gagn og gaman að taka þátt í umræðunni og þakka ég öllum sem hafa komið inn á síðuna mína til skrafs og skoðunar.

Staðan hjá mér núna er eins og hjá ónefndri ráðherra ríkisstjórnar. Það eru skemmtilegir og spennandi tímar framundan  þó ekki sé það ríkisstjórn eða þingheimi að þakka.

Ég held áfram að kíkja í heimsókn til bloggvinanna.Wink


Ég mótmælti ekki vegna aldurs!

Ég lái ekki þessu unga fólki sem voru í þessum mótmælum. Þetta er fólkið sem stjórnvöld eru búin að veðsetja upp í topp. Fólkið sem ekki hefur notið góðæris. Þetta er líka þjóðin.

Mér hentar betur að sitja inni í Háskólabíó eða  standa á Austurvelli og hlusta á ræður.Það er vegna aldurs. Ég skil ekki alveg vandlætinguna um þessi mótmæli sem ég les víða. Þarna var ekki ofbeldi en það var verið að mótmæla því ofbeldi sem stjórnvöld eru að sýna þjóðinni.


mbl.is Þingfundur hafinn á ný
Tilkynna um óviðeigandi tengingu við frétt

Hr Forseti! Tala minna og segja meira.

Rúmar 200 milljónir í kostnað við forsetaembættið er kannski ekki mikið. Við erum vön að tala í milljörðum þessa dagana, en margt smátt gerir eitt stórt.

Hr. Forseti!  Okkur dettur það ekki í hug eina einustu mínútu að þú berir ábyrgð á símakostaði embættisins og/eða öðrum kostnaði hjá ykkur á Bessastöðum.  Það er búið að ala okkur það vel upp að við erum ekki að draga ráðamenn til ábyrgðar fyrir svona smámunum.

Persónulega hefði ég viljað leggja þetta embætti niður. Ég í minni aðhaldssemi held að þessir peningar séu betur komnir t,d í félags og velferðarmálum. Það kreppir að í dag!


mbl.is Forsetaembættið mótmælir frétt
Tilkynna um óviðeigandi tengingu við frétt

Ég fékk símtal í nótt!

Og spurningin er þessi.

Er öl innri maður?

Annar maður?

Verri maður?

Betri maður?

Ruglaður maður?

Jólahlaðborð gera boð á eftir sér.


Sénsinn að þú komist upp með þetta heilbrigðisráðherra.

Hagræðing og þá meinar háttvirtur Guðlaugur Þór niðurskurður! Öll ráðuneyti meiga draga saman seglin meira og minna þó sérlega utanríkisráðuneyti og dóms og kirkjumálaráðuneyti. Látum félags og heilbrigðisráðuneyti vera.

Ég hlustaði á móður á stöð 2 í gær sem sagði frá sjálfsvígi sonar síns eftir að hafa verið vísað frá geðdeild LHS með svefnlyf. Konan grét, ég gerði það líka vitandi hver sársaukin er að missa barnið sitt. Það sefur engin svona veikindi úr sér. Hann þurfti hjálp!

Heilbrigðisráðherra var búin að lofa neyðarteymi á geðdeildir þegar kreppan skall á, er það ekki að virka. Það þarf hjálp núna sem aldrei fyrr fólk er í miklu áfalli. Ef veikindi hafa verið fyrir þá er ástandi núna bara til þess fallið að ýta fólki fram af brúninni. Það er lífsspursmál að hafa aðgang að geðlæknum á þessum tímum.

Hingað og ekki lengra þið komist ekki upp með þetta! Þess vegna mótmælum við á morgun kl 15.

 

 

 


mbl.is Heilbrigðisstofnanir hagræði
Tilkynna um óviðeigandi tengingu við frétt

Ákall! Neyðarkall!

Þið ljúgið hvert upp í annað og eruð gjörsamlega orðin veruleikafirrt Davíð, Geir og Ingibjörg Sólrún

Þið eruð rúin trausti ykkar eigin flokksmanna, já og líka þjóðarinnar. Sleppið tökunum, það er ekkert til að skammast sín fyrir, við yrðum svo þakklát.

Þorvaldur Gylfasson sagði að Ólafur Ragnar gæti skipað utanþingsstjórn á einum sólahring, stjórn fagfólks, bara ef þið lýstu því yfir að það væri vilji ykkar.

Þið hljótið að sjá að þetta er farið að snúast um líf eða dauða fyrir þetta land ef þið haldið þessum leik ykkar áfram.

Burtu með ykkur ekki seinna en á morgun.


mbl.is Ingibjörg: Aldrei talað um 0% líkur
Tilkynna um óviðeigandi tengingu við frétt

Leikhúsið við Austurvöll.

Á meðan ríkisstjórn afnemur ekki bankaleynd.

Leika mýsnar sér. Davíð dissar viðskiptanefnd Árni Páll talaði mikið en sagði ekkert.

Á meðan Davíð stjórnar öllu.

Fela Geir Hilmar og Ingibjörg Sólrún sig gjörsamlega vanhæf að taka á málunum.

Á meðan Davíð er í fýlu við Baugsmiðla sem á alla miðla.

Talar hann við danska miðla og hótar (lofar) endurkomu í stjórnmál. Hann spjallar við kínverska blaðamenn um norska skóarketti. Allir eru gapandi!!

Á meðan ástandið er svona.

Er Pollýanna uppseld. Hvað er til ráða????

 


mbl.is Davíð ber fyrir sig bankaleynd
Tilkynna um óviðeigandi tengingu við frétt

Hinir verða bíða í ár eftir skjóli.

Á meðan við höfum 4 borgarstjóra á launum.

Á meðan Ólafur F borgarfulltrúi er með um miljón á mánuði og hrópar. Spilling. Græðgi.

Á meðan Hanna Birna leitar allra ráð til að setja nokkra miljarða í Tónlistahús.

Á meðan við erum með varaborgarfulltrúa á föstum launum.

Á neðan Gísli Martein er á góðum launum við nám í Skotlandi.

Og enn mætti lengi telja.


mbl.is Slegist um smáhýsi götufólks
Tilkynna um óviðeigandi tengingu við frétt

Neyðarkall!

Á sama tíma og kjararáð neitar að lækka ofurlaun þeirra sem komu fólkinu í neyð.

Á sama tíma og menntamálaráðherra finnst í lagi að Páll útvarpsstjóri sé með 1,6 miljónir í laun.

Á sama tíma og viðskiptaráðherra leggur blessun sína á ofurlaun bankastjóra.

Á sama tíma og ISG formaður jafnaðarflokks tekur fullan þátt í ósómanum.

Á sama tíma og dómsmálaráðherra dregur lappirnar í að rannsaka útrásina.

Er ekki hægt að halda endalaust áfram?


mbl.is Neyðarkall Fjölskylduhjálpar Íslands
Tilkynna um óviðeigandi tengingu við frétt

Kjararáð er gulltrygging hverra?

Hverjir ætli skipi kjararáð? Hvaða hópar eiga laun sín undir kjararáði?

Við vitum að það eru æðstu ráðamenn þjóðarinnar, það eru líka hæstaréttadómarar,dómarar,og alþingismenn margir æðstu menn stofnanna eins og rektorar Háskólanna. Það er ekki að koma á óvart niðurstaða kjararáðs. Þetta eru örugglega öflugustu hagsmunaráð landsins.

Kjararáð við viljum rök sem eru í samræmi við aðstæður í landinu.


mbl.is Kjararáð getur ekki lækkað launin
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband