Ég skal hundur heita !

Ef fylgi flokkana á ekki eftir að breytast þó nokkuð og ef það er ekki strax farið að undirbúa nýtt framboð.

Hörður Torfason og hans fólk voru að mótmæla á laugardag, Jón Baldvin og Kolfinna gátu ekki verið í þeim hóp. Afhverju ekki? Var ekki verið að mótmæla því sama?

Mín "samsæris" kenning er!

Nú sér Jón Baldvin tækifæri að koma einum af sínum afleggjara í pólitík. Þarna er vanur maður sem vinnur verkin og aldrei eins mikið tækifæri fyrir óánægjuframboð og núna. Karlinn er klár á þessu sviði það er í ættinni. Hann hefur haft sig mikið í frammi undanfarið og vissulega hrifið fólk með sér.

Hefur Jón Baldvin verið að mæra Samfylkinguna? Ég hef ekki heyrt það. Jón Baldvin er að róa á önnur mið núna, hásetar hjá honum eru Guðmundur Ólafsson, Arnþrúður Karlsdóttir og útvarp Saga verður lögð undir til að afla fylgis. Stefnuskráin í dag er Davíð burt og innganga í ESB.

Þetta er kannski ekki verra en hvað annað en nautið gleymdi að hann var einu sinni kálfur. Mér finnst það fúlt ef fólk er að efna til mótmæla sem ekki er vanþörf á, og það skuli ekki vera hægt að hafa um það samstöðu. Þetta voru mistök hjá þér Jón Baldvin það þurfa allir bakland ef þeir ætla sér eitthvað stórt en ekki bara að þjóna egóinu.

Þið megið kalla mig Snældu ef að er ekki eitthvað til í þessu hjá voff voff.

Minnihluti styður stjórnina

Athugasemdir

[Jakobína Ingunn Ólafsdóttir, 26.10.2008 kl. 15:49]

Já þetta pirrar

[Hólmdís Hjartardóttir, 26.10.2008 kl. 16:44]

Af því að ég veit að þú telur það merki um að vera skynsamur að vera sammála þér.....þori ég ekki annað    Það er augljóst hvað JBH er að gera.

[Rannveig H, 26.10.2008 kl. 16:54]

Jakobína: Og á eftir að pirra réttsýna enn meira.

Hólmdís: Sammála

[Óskar Þorkelsson, 26.10.2008 kl. 17:26]

Þessi aðferð sem JBH og Kolfinna notuðu sl laugardag var afskaplega ógeðfelld.  

[Hallgerður Pétursdóttir (IP-tala skráð) 26.10.2008 kl. 17:29]

Missti af þessu enda tek ég ekki þátt í svona sýndarmennsku. Ber hins vegar virðingu fyrir skoðunum annarra. Ég bloggaði um það í gær. Nei ég held að karli verði ekki ágengt í þessu brölti þar vanmetur hann almenning. Sé þetta hins vegar rétt sem ég les um á nokkrum stöðum sýnir það svo ekki verður umvillst að þeir eru nokkrir lýðskrumararnir þarna úti. Eins og hér inni.

Orðatiltækið gamla að það bylur oftast hæðst í tómri tunnu er sprelllifandi. Hér inni á blogginu eru nokkrir sem hvetja til mótmæla  en sitja sem fastast heima sjálfir. Tvöfeldni? Ef ekki eitthvað annað ljótara. Dæmir sig sjálft.

[Sævar Einarsson, 26.10.2008 kl. 17:50]

"þar vanmetur hann almenning" ? hvernig er hægt að vanmeta almenning sem yppir bara öxlum og man ekki stundinni lengur hvað gerðist í gær ? Mér finnst engu að síður alveg kominn tími til að hrista upp í þessu liði og þá er mér alveg sama hvaðan vont eða gott kemur.

— ICELAND'S MOST WANTED —

GORDON BROWN

Wanted, alive and preferably in working order - for treason and severe plotting against the innocent Icelandic nation. Also wanted for sheep theft.

Tekið héðan  en myndin er ekki sú sama.

[Sigurður Þórðarson, 26.10.2008 kl. 17:51]

Sæl Rannveig, þetta er skemmtileg kenning og ég trúi svo sem ýmsu á JBH en þessi hugarsmíð gengur samt ekki upp í veruleikanum. Pétur Gunnlausson er skynsamur maður og mjög harður andstæðingur þess að Ísland gangi í ESB. Skoðanir hans og JBH eru svo ólíkar að mér er með öllu ómögulegt að sjá þá fyrir mér saman í flokk. Hagvaxtarspár fyrir Evrópusambandið eru mjög slæmar til langs tíma litið.

[Guðrún Þóra Hjaltadóttir, 26.10.2008 kl. 18:14]

Jón Baldvin sér leik á borði. Dóttirinn tilvalin í pólitíkina, ekki verri en hver önnur tík, eða hvað ?

Það er vont þegar byrjað er á klúðrinu, því nóg kemur af því seinna.

Nú er tími fyrir ný ofl í pólitík, heiðarleiki og aftur heiðarleiki.

[Rannveig H, 26.10.2008 kl. 18:35]

Óskar: Það fannst mér líka.

Hallgerður: Það má ekki gleyma því að þjóðin er óánægð og Jón kann að spila á það, gæti trúað honum til að reyna þetta til að koma dótturinni að.

[Rannveig H, 26.10.2008 kl. 18:41]

Sævarinn: Ég held að almenningi sé alls ekki sama og að muna frá degi til dags er nú bara heilmikið miðað við allt sem er að gerast. En þarf vissulega að hrista upp í þessu en við gerum það vonandi ekki með hræðslupólitík.

[Rannveig H, 26.10.2008 kl. 18:57]

Siggi: Þú trúir ekki á þessa kenningu mína  Hver er Pétur? Við sjáum til ég hnippi í þig ef ég hef rétt fyrir mér.

Guðrún Þóra: Þar er málið það vantar pólitíska stöðu núna fyrir afleggjarann, mér finnst hún ekki ætla að stimpla sig skemmtilega inn.

[Sævar Einarsson, 26.10.2008 kl. 19:07]

Auðvitað er almenningi ekki sama, en hefur þú séð almennilega samstöðu almennings ? ég segi það enn og aftur, að er búið að brjóta fólkið í landinu með andlegu ofbeldi og offorsi yfirvalda, og líkamlega líka. Hvernig finnst ykkur annars myndin af Gordon Brown ?

[Heidi Strand, 26.10.2008 kl. 20:25]

þetta er sennilega rétt hjá þér.
Best er að við stöndum saman á þessum erfiðum tímum. Ég ætla á fund á Austurvelli á Laugardag nk. kl 15 og vonandi verður þar  fjölmennt.
Fundurinn í gær var góður. Einar Már er frábær ræðumaður.

[Huld S. Ringsted, 26.10.2008 kl. 21:22]

Auðvitað eigum við öll að standa saman í gegnum þetta, það hefst ekkert með þessu móti en það virðast allir vera að reyna að ota sínum tota mitt í þessum vandræðum, því segi ég: Það er sama rass***** undir öllu þessu liði, sama hvar það stendur í pólitík, ég er búin að missa trúnna á pólitíkusum

[Víðir Benediktsson, 26.10.2008 kl. 21:39]

Ég las ekki annað út úr þessu en Jón væri að lýsa frati á Samfylkinguna. Stóri jafnaðarmannaflokkurinn sem Jón dreymdi um er orðin að martröð.

[Rannveig H, 26.10.2008 kl. 22:00]

Sævarinn:Það var alla vega ekki samstaða á laugardag, Hörður hefur alltaf staðið fyrir sínu,mér fannst þetta hjá Jóni vera múgæsing.

Heidi: Einar rokkar alltaf feitt

[Rannveig H, 26.10.2008 kl. 22:11]

Huld: Mér finnst þetta einmitt lykta af því að það þyrfti að ota sínum tota núna. Kannski væri mesta vitið í að fá utanþingsstjórn til að koma okur í gegnum þetta,kalla til færustu menn utan stjórnmála.

Víðir:Jón er örugglega að lýsa frati á SF en ég held að hann sé að fara lengra núna því nú er lag.

[Sigurður Þórðarson, 26.10.2008 kl. 22:18]

Rannveig, ég er með svona rosalega lesblindu. Ég las nafnið Guðmundur Ólafsson sem  Pétur Gunnlausson.  Ekki biðja mig að útskýra hvernig ég fór að því.  En þú spyrð hver er Pétur? Pétur er karlinn hennar Arnþrúðar.

[Steingrímur Helgason, 26.10.2008 kl. 22:21]

Rannveig Snælda ...

[Sigurður Þórðarson, 26.10.2008 kl. 22:23]

Rannveig ég trúi Jóni vel til að vera með stóra drauma.

Ég er sammála ykkur  Huld og Heidi við eigum að standa saman gegn ríkistjórninni.

[Jens Guð, 26.10.2008 kl. 22:27]

  Vel má vera að kenningin um væntanlegt framboðsbrölt Kolfinnu sé rétt.  Ef svo er þá er engu að síður kjánalegt af þeim feðginum að kljúfa sig út úr samstöðu í mótmælum.  Einhversstaðar las ég haft eftir Herði Torfa að hann hafi rætt við feðginin þegar í ljós kom að verið var að boða tvo fundi með klukkutíma millibili.  Þau hafi hafnað allri samvinnu.  Viljað hafa sólófund fyrir sig.

[Rannveig H, 26.10.2008 kl. 23:22]

Siggi: Jón Baldvin hefur alltaf verið stórhuga.

Steingrímur: Ekki strax vof

[Rannveig H, 26.10.2008 kl. 23:27]

Jens: Held að það styðji kenningu mína þetta sólóferli svo líka ef þriðja ættliðnum er farið að langa í pólitík.

Anna: Hvað er Jón Baldvin að bardúsa,þú veist lengra.

[Skattborgari, 26.10.2008 kl. 23:55]

Ég held að það sé ekki ólíklegt að einhverjir flokkar verði stofnaðir en það er mun betra að fólk fari yfir í FF því að það eru mun meiri líkur á að það geti fellt stjórnarflokana en að stofna nýja flokka sem ná ekki manni inn eins og Íslandshreyfingin ef hún er enn á lífi sem ég vona innilega ekki.

Kveðja skattborgari.

[Þórarinn Þ Gíslason (IP-tala skráð) 27.10.2008 kl. 00:38]

Sæl Rannveig.

Sammála þér að fólk sé ekki sammála í byrjun LOFAR EKKI GÓÐU. Og svo er gott að vanda aðferðarfræðina til þess að lenda ekki í sama PYTTI.

Kærleikskveðjur.

[Vésteinn Valgarðsson, 27.10.2008 kl. 03:05]

Já, gæfulega byrjar þetta: JBH og KB byrja á því að reyna að kljúfa mótmælahreyfinguna og ætla næst að kljúfa Samfylkinguna. Í mótmælagöngu þeirra í gær (lau) gat að líta einhverja málsmetandi Samfylkingarmenn, þar á meðal Dag B. Eggertsson. Er Samfylkingin að leika tveim skjöldum eða er hún að klofna? Hún bætir allavega í sig m.v. skoðanakönnunina.

Það getur meira en verið að nýtt framboð -- þess vegna fleiri en eitt -- komi fram í næstu kosningum. Það eiga eftir að verða miklar sviptingar næstu vikur og mánuði. Flokkarnir sem fyrir eru hljóta að standa höllum fæti.

[Birgitta Jónsdóttir, 27.10.2008 kl. 08:55]

ég hef heyrt ýmsar kenningar um þetta mál og verð bara að segja að mér finnst það bara ljótt að rugla og hræra í almenningi á þessum erfiðu tímum. hef líka heyrt það frá fyrstu hendi að KJ og JBH hafi komið af óheilindum fram við Hörð og það finnst mér bara óafsakanlegt. Annars þá er Arnþrúður Karlsdóttir búin að hóta mér mannorðsmorði út af skrifum mínum um seinni mótmælin og hef ég birt bréf sem ég fékk frá henni á bloggið mitt.

[Rannveig H, 27.10.2008 kl. 08:56]

Skatti: Held að það sé næsta öruggt að það á eftir að koma fram hræðsluframboð. Fólk verður alla vega að hugsa hvort einhverjar lausnir séu í því.

Þói: Er sammála þér þetta er ekki gæfulegt.

[Rannveig H, 27.10.2008 kl. 09:04]

Vésteinn: Ég var að lesa á síðunni þinni mjög fróðleg,og nú er komið fram að Arnþrúður Karls hótaði Birgittu.Þetta er ótrúleg aðferðarfræði og á ekki etir að ganga upp. Ef þetta eru framboðsundirbúningur há KB og JBH þá er ég ekki frá því að karlinum sé farið að förlast, Í dag sættum  við okkur ekki við að láta ala á óttanum í einhverjum frösum. Við viljum lausnir.

[Rannveig H, 27.10.2008 kl. 09:13]

Birgitta: Það er það síðasta sem við þurfum núna eru óheilindi, ég hvet líka alla til að lesa síðuna þína. Ég á aldrei eftir að sætta mig við svona hótun gagnvart þér, og stend 100% með þér.

[Vésteinn Valgarðsson, 27.10.2008 kl. 09:29]

Ef þetta er upptaktur að framboði eða endurkomu JBH (eða KB) í íslensk stjórnmál, þá kemur bara í ljós hvort þeim verður kápan úr því klæðinu. JBH er náttúrlega með gríðarlegt persónufylgi og sambönd, auk þess að koma vel fyrir.

[Rannveig H, 27.10.2008 kl. 13:59]

Vésteinn: Það væri ekki ónýtt upp á söguna  gera fyrir JBH að stimpla sig inn um sjötugt til bjargar íslenskri þjóð.

[Vésteinn Valgarðsson, 27.10.2008 kl. 14:34]

Það er alveg satt. Þá væri líka kominn efniviður í 2. bindi af ævisögunni hans.

[Kolbrún Hilmars, 27.10.2008 kl. 17:48]

Rannveig, fyrrverandi stjórnmálamaður á eftirlaunaaldri sem hefur notið þægilegheita sendiráðsumhverfisins í meira en áratug skiptir sér ekki af stjórnmálum dagsins nema mikið liggi við að hans mati.

Sjálfur á hann ekki sjens (né dóttir hans) á forystuhlutverki í SF svo tilgangurinn hlýtur að vera að kljúfa SF og safna saman gömu brotunum Alþýðuflokksins.  Víst  er að ekki er verið að biðla til VG. 

Það verður gaman að fylgjast með framhaldinu.

[Fríða Eyland, 27.10.2008 kl. 19:14]

Ég deili þessari kenningu með þér

[Skattborgari, 27.10.2008 kl. 19:38]

Það mun verða mjög gaman að fylgjast með þróuninni á næstu vikum og mánuðum því að það er alveg á hreinu að það mun ýmislegt breytast í pólitíkinni næstu mánuði því að það eru margir búnir að missa allt traust á XD og XS og það fólk mun margt hvert fara yfir til annara flokka.

Kveðja Skattborgari.

[Rannveig H, 27.10.2008 kl. 21:08]

Vésteinn: Það er ekki öll sagan sögð, ég veit sosum ekki hvernig tekst upp með seinna bindið

Hildur: Það var akkúrat svona sem ég hugsaði það,svo eru sögusagnir um viðræður hér og þar.

Fríða: Þetta verður spennandi.

Skatti: 'Ég held að aldrei hafi fólk misst eins mikla trú á stjórnmálamönnum og stjórnsýslu yfirleitt eins og núna.

[Skattborgari, 27.10.2008 kl. 21:24]

Ég hef haft litla trú á XD og XS og talið þá 2 flokka vera vanæfa eiginhagsmunaseggi en þeir eru enn vanhæfari en ég gerði mér grein fyrir og ekki var það hátt fyrir.

Kveðja Skattborgari.

[Keli (IP-tala skráð) 27.10.2008 kl. 21:50]

Nú ríður á að halda ró sinni og bæla allan undirliggjandi pirring...mín kæra.

[Rannveig H, 27.10.2008 kl. 23:08]

Kolbrún ég kallaði þig Hildi sorry stelpa.

Sammála Skatti.

[Rannveig H, 27.10.2008 kl. 23:14]

Keli: Það nýjasta í meðferð er að bæla ekkert niður kallinn minn ,svo þá er bara að sveiplast alveg hægri vinstri þar til að maður fær útrás eða þannig.

[Gunnar Th. Gunnarsson, 28.10.2008 kl. 12:53]

Ég er einmitt með skoðanakönnun á mínu bloggi um JBH

[Rannveig H, 28.10.2008 kl. 16:57]

Búin að kjósa Gunnar, og hélt mig við mína kenningu

[Vésteinn Valgarðsson, 28.10.2008 kl. 23:59]

Hvers vegna ættu Jón Baldvin eða Kolfinna ekki að eiga séns innan Samfylkingarinnar?

[Hildur Helga Sigurðardóttir, 29.10.2008 kl. 00:21]

Ferskir vindar ???

[Rannveig H, 29.10.2008 kl. 00:43]

´Hildur þú ert að grínast  

Vésteinn:Í fyrsta lagi myndi sá gamli ekki sætta sig við neitt aukahlutverk,og aðalhlutverkin er bókuð. Í annan stað held ég að Kolfinna eigi heldur ekki möguleika þar sem hún hefur ekkert til málana að leggja nema upphrópanir. En hvað finnst þér?

En mesti skandalinn út úr þessari uppákomu þeirra  JBH & KB með Arnþrúði er hótunin sem Birgitta fékk fyrir það eitt að vera gagnrýnin og óánægð með þessi sér mótmæli , og ég fæ ekki annað séð að flestir séu á hennar skoðun.

[Vésteinn Valgarðsson, 29.10.2008 kl. 01:03]

Ef JBH og KB fá nægan vind í seglin, þá held ég að Samfylkingin kjósi frekar að hafa þau með sér en á móti sér. Samfylkingin gæti staðið frammi fyrir þrem kostum: Að þau stofni sérframboð og taki mikið fylgi frá þeim. Í annan stað að þau vinni innan Samfylkingarinnar, verði ekki hleypt að og kljúfi flokkinn. Í þriðja lagi að þau vinni innan hennar og verði hleypt að með góðu, flokkurinn bæti þá við sig fylgi þótt einhverjir þurfi að þoka til hliðar. Ef ég stjórnaði Samfylkingunni, þá mundi ég velja þriðja kostinn.

[Rannveig H, 29.10.2008 kl. 01:18]

'Eg mydi líka velja þann þriðja en það verður ekki held ég því að ISG og JBH eru eins og spegilmynd af hvort öðru. Jóhanna ætti erfitt með að vinna með JBH og flokkurinn myndi fara undir frostmark án hennar engin myndi sætta sig við að víkja fyrir KB það yrði til að gera stóran skandal.