Færeysk -íslenska sambandsríkið.

Færeyingar eru bestu og einlægustu vinir Íslendinga.  Þeir eru eina þjóð heims sem stöðugt styður Íslendinga í neyð án allra skilyrða.  Þeir ætlast ekki til neins í staðinn.  Vináttan er hrein og sönn.  Eftir því sem hagsæld Færeyinga hefur vaxið jafnt og þétt síðustu 15 ár verður krafan um sjálfstæði Færeyja háværari.  Um helmingur Færeyinga,  aðallega unga fólkið,  aðhyllist í dag sjálfstæði Færeyja undan dönsku krúnunni.  Slagorðið er "200% aðskilnaður" (200% loysing).    Ungu Færeyingarnir sjá fyrir sér að með sjálfstæði Færeyja muni samskiptin við Íslendinga aukast á flestum sviðum.  Við eigum að ganga til liðs við þessar hugmyndir.  Byrja strax í dag á því að undirbúa Færeysk-íslenska sambandsríkið.  Báðar þjóðirnar munu hafa gagn og gaman af því.

  Árni Johnsen talaði á alþingi í dag um að Íslendingar ættu að taka upp færeysku krónuna.  Hún er vissulega mun stöndugri en íslenska krónan.  En færeyska krónan er bundin dönsku krónunni og danska krónan er bundin evru. 

Árni Johnsen vill færeyska krónu

Athugasemdir

[Gunnar Þór Ólafsson, 29.10.2008 kl. 20:44]

Hæ

Alltaf mælir þú manna sannast,þetta er eina fólkið sem ávarpar okkur að fyrra bragði

[Rannveig H, 29.10.2008 kl. 20:52]

Sæll Gunnar gaman að sjá þig hér.

[Skattborgari, 29.10.2008 kl. 20:54]

Ég held að við ættum að hafa mun nánara samband við Færeyjar en við gerum í dag og sambandsríki væri nokkuð sem kæmi báðum þjóðum mjög vel því að við erum mjög líkar að mörgu leyti.

Kveðja frá hinu allræmda karlrembusvíni.

[Óskar Þorkelsson, 29.10.2008 kl. 21:10]

Færeyjingum.. líkt og öðrum norðurlandabúum þykir mun vænna um ísland en íslandi þykur um þau... fyrr leitum við til USA eða Kína áður en við ræðum við okkar eigin frændur.

[stolt kona (IP-tala skráð) 29.10.2008 kl. 21:35]

Já þar kom að því að við kunnum að meta Færeyinga eins og við hefðum átt að gera fyrir margt löngu. Ég man svo langt að margir Íslendingar litu niður á Færeyinga og fannst þeir ekki samboðnir okkur,þessum miklu og gáfuðu Íslendingum. Það var gert allskonar grín í kringum þessa ágætu þjóð Færeyinga af okkur Íslendingum en nú er annað hljóð í strokknum. Já eins og gamalt Íslenskt máltæki segir  "enginn veit ævina sína fyrr en öll er"

Færeyingar eru mikilmenni !!!!!!! Þó þjóðin sé ekki margmenn.

Lengi lifi Færeyingar og mikið er ég stolt yfir að hafa gifst Færeying og eignast með honum börn,kynbætt þannig Íslensku þjóðina.

[Rannveig H, 29.10.2008 kl. 21:44]

Skatti: Satt hjá þér,enda vil ég verða  Færeyingur núna.

Óskar: það er svo mikið montgen í okkur. Sætustu stelpurnar, sterkustu strákarnir, besta íþróttafólkið svo kláruðu við dæmið með klárustu fjárglæframönnunum.

Ég viðraði þessa hugmynd um okkur og Færeyjar, við mann úr akademíunni hann svaraði með þjósti Rannveig villtu bara ekki fara í moldarkofana aftur.

[Skattborgari, 29.10.2008 kl. 21:52]

Einn vinur minn var einu sinni að steypa gangstétt við innganginn við HÍ og það þurfti að halda þeim frá þessu menntaliði til að það gengi ekki í hana. Þeir höfðu aldrei séð jafn vitlausa menn áður. Það gekk einn beint í steypuna og varð brjálaður og sýndi þeim sem voru að vinna lítilsvirðingu og einn spurði hann hvað hann væri að læra hann var að læra læknisfræði. Ef þú sérð fullt af fólki vinna og steypubíl þá er verið að steypa en þessir menntamenn fatta það ekki enda kunna þeir bara það sem þeim er kennt.

Orðið menntahálviti lýsir mjög mörgum sem eru í þessu háskólasamfélagi.

Kveðja Skattborgari.

[Rannveig H, 29.10.2008 kl. 22:51]

Stolt kona: mikið er ég sammála þér,og samgleðst þér. Þú mátt sko sannarlega vera stolt kona.

Búkolla: Við ættum að læra af þeim.

Skatti Gott þetta með steypubílinn og það sé verið að steypa.

[Steingrímur Helgason, 29.10.2008 kl. 22:56]

Skattleyzisborgari, menntunarleyzishrokinn fer þér vel.

Ég myndi vilja Grænlendínga með í 'púllíuna' enda líkar mér selkjöt snöggtum skár en 'ræztisteikin' færeyzka.

[Rannveig H, 29.10.2008 kl. 23:56]

Steingrímur: Það mætti skoða það í framhaldinu,þetta myndi efla hagkerfið og auka náttúruauðlyndir sem við yrðum öfundsverð af. Selspikið er gott, en kjötið afleitt. Ég vil hafa sjávarútvegsráðherrann frá Færeyjum.

[Skattborgari, 29.10.2008 kl. 23:59]

Steingrímur takk fyrir það.

Það er fátt sem mér leiðist meira en aðili sem heldur að hann sé yfir aðra hafin.

Kveðja Skattborgari.

[Skattborgari, 30.10.2008 kl. 00:15]

Eitt enn með menntamenn. Það er eins og margir af þeim þurfi að fá gott djopp hjá ríkinu sem er sérhannað fyrir þá svo að það sé hægt að nýta þá á kostnað skattgreiðenda.

Kveðja Skattborgari.

[Halla Rut , 30.10.2008 kl. 01:01]

Algjörlega sammála þér. Góður pistill.

Þetta mun svo sannarlega koma Færeyjum á kortið. 

[Jens Guð, 30.10.2008 kl. 02:15]

  Þinn albesti af mörgum góðum pistlum.  :)

[Rannveig H, 30.10.2008 kl. 08:01]

Halla Rut: Færeyjar yrði stórasta landið.

Jens Guð. Viskan kemur frá þér þú hefur nú verið duglegur að kynna Færeyjar.

[Hallgerður Pétursdóttir (IP-tala skráð) 30.10.2008 kl. 09:37]

Mér þykir vænt um þá, man eftir þeim í flokkum heima í Eyjum þar sem þeir sóttu vertíð. Áberandi fallegt og glatt fólk. Þeir hafa áður gaukað að okkur síðast á Flateyri og þar áður í Súðavík. Komu sterkir inn í Eyjagosinu. Ekkert málskrúð engir samningar heldur aðstoð þegjandi og hljóðalaust.

[Rannveig H, 30.10.2008 kl. 12:49]

Hallgerður: Svo eru þeir æðruleysið uppmálað, bara þakklátir fyrir að fá að hjálpa.

[Skattborgari, 30.10.2008 kl. 20:16]

Ég held að ég prófi bara að fara til Færeyja við tækifæri í staðinn fyrir að fara til Bretlands. Vill frekar eyða mínum gjaldeyri þar en í uk.

Kveðja Skattborgari.

[heimir (IP-tala skráð) 30.10.2008 kl. 22:25]

Færeyjingar eru okkar menn en ég held að það yrðu "tæknileg" mistök að taka upp færeysku krónuna !

[Þórarinn Þ Gíslason (IP-tala skráð) 31.10.2008 kl. 04:10]

Sæl Rannveig mín

Ég er með tillögu að nafni fyrir sameiningalausn okkar sem gætu hugsanlega orði  Norðmenn og Færeyingar.

Færeyingar -----------------------F.

Íslendingar,-----------------------Í.

Norðmenn,-------------------------N.

EÐA Ríkjasambandið   FÍN.

Og við getum staðið við þetta  við erum öll saman   FÍN.

Kærleikskveðjur.

[Ásthildur Cesil Þórðardóttir, 31.10.2008 kl. 09:43]

Af hverju ekki Rannveig mín.  Auðvitað er það nærtækast að bindast vinum okkar færeyingum.

[Anna Ragna Alexandersdóttir, 31.10.2008 kl. 10:50]

Færeyingar eru bestu og einlægustu vinir Íslendinga. ÞÖKKUM ÞEIMKærleikskveðja

[Rannveig H, 31.10.2008 kl. 11:31]

Skatti: Ég mæli með að þú veljir Færeyjar Ég hef farið þangað þrisvar.

Heimir minn þú heimsækir nú tengdamömmu þína þegar ég er flutt.

Þói: Góður húmor.

[Rannveig H, 31.10.2008 kl. 11:35]

Ásthildur: Færeyingar mynna mig á okkur vestfirðinga,og Vestmanneyga.

Anna: Ég öfunda þig að fá að eyða tímanum hjá þessum góðgerðafólki okkar.

[Anna Ragna Alexandersdóttir, 31.10.2008 kl. 12:23]

 Það eru forréttindi

[Hildur Sif Thorarensen, 5.11.2008 kl. 14:57]

Þú ert alltaf svo krúttleg Rannveig og ég er alveg sammála þér. Verst hvað við Íslendingar kunnum illa að meta það sem að okkur er rétt. Við erum allt of hrokafull upp til hópa.